Relationship Tips: लग्न अत्यंत पवित्र मानले जाते. हे नाते प्रेम आणि विश्वासावर अवलंबून असते आणि टिकलेले असते. या बंधनात पती-पत्नी आयुष्यभर एकमेकांसोबत राहण्याचे वचन देतात, परंतु काही कारणांमुळे हे नाते अनेकदा तुटण्याच्या मार्गावर येते.
आपल्या देशात वैवाहिक नाते तुटणे ही क्षुल्लक बाब नसली तरी नाते टिकवणे फार कठीण आहे. अशा परिस्थितीत, जर तुम्हीही तुमच्या वैवाहिक जीवनात अनेक समस्यांनी त्रस्त असाल तर तुमच्या जोडीदारापासून वेगळे होणे शहाणपणाचे असते. पण अनेक जोडपी वेगळे होण्याचा निर्णय का घेतात, हेच आपण आता पाहुया.
मानसिक अत्याचार
वैवाहिक नात्यात मानसिक शांती मिळत नसेल तर जोडीदारापासून वेगळे होणे चांगले. कधी कधी शारीरिक जखमांपेक्षा मानसिक वेदना खूप होत असतात. जोडीदाराकडून किंवा कुटुंबातील सदस्यांकडून नेहमी टोमणे ऐकू येत असतील तर हे नाते सहन करणे कठीण होऊन बसते.
अतिरिक्त वैवाहिक संबंध
अनेकवेळा तुम्ही घरच्यांच्या दबावाखाली लग्न करता, त्यामुळे तुम्ही वैवाहिक जीवनात आनंदी नसता. अशा स्थितीत तुम्हाला भावनिक आधाराची गरज असते, अशावेळी तुम्ही दुसऱ्याकडे आकर्षित होतात. नात्यातील अशा बेवफाईपेक्षा नाते लवकर संपवणे चांगले.
घरगुती हिंसा
कौटुंबिक हिंसाचार हा एक प्रकारचा अत्याचार आहे जो कोणत्याही नातेसंबंधाचा पाया हादरवून टाकतो. जर तुमचा जोडीदार तुम्हाला शारीरिक किंवा मानसिक त्रास देत असेल तर तुम्ही ताबडतोब या नात्यापासून वेगळे होण्यासाठी योग्य पावले उचलली पाहिजेत.
